Biglaan

Biglaan

di ko inaasahan

agad-agad na lang

diwa ko’y nahibang

 

Biglaan

puso’y nahiwagaan

utak ay di na maituwid

kaluluwa’y tila tumagilid

 

Biglaan

akalain mo ba naman

nakakapanibago, nakakakilig

ang biglaang pagdapo ng pag-ibig

Nasa Iyo

Nasa iyo ang talino.

Mahilig bumangga kahit kanino,

babanat ng punto por punto.

Naghahanap ka ba ng away, o ano?

 

Nasa iyo ang tapang.

Di iiwas sa anumang anghang

na ibabato ng taong mangmang

na sa iyo ay pilit hahadlang.

 

Nasa iyo ang pusong may ipinaglalaban.

Hahamakin ang lahat para sa kagustuhan.

Bilang ng kaibigan man ay tuluyang malagasan,

sapagkat ikaw ay hindi magiging sunod-sunuran.